ព័ត៌មានជាតិ ព័ត៌មានអន្តរជាតិ

លទ្ធផល​ចុងក្រោយ នៃ​ការធ្វើជំរឿនៈ កម្ពុ​ជាមាន​ប្រជាជន​សរុប ចំនួន ១៥,៦ លាន​នាក់

​ ភ្នំពេញៈ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ និង​ជា​ប្រធាន​គណៈកម្មាធិការ​ជាតិ ជំរឿន​ទូទៅ​ប្រជាជន នៅ​ព្រះរាជាណាចក្រ កម្ពុជា ឆ្នាំ​២០១៩ បានបញ្ជាក់​ថាៈ តាម​លទ្ធផល​ចុងក្រោយ ជំរឿន​ទូទៅ​ប្រជាជន នៅ​ព្រះរាជាណាចក្រ​កម្ពុជា នៅ​ថ្ងៃទី​៣ ខែមីនា ឆ្នាំ ២០១៩ ប្រជាជន​កម្ពុជា មាន​ចំនួន ១៥,៦ លាន​នាក់ កើនឡើង​ពី ១៣,៤ លាន​នាក់ នៅក្នុង​ឆ្នាំ​២០០៨​។ អត្រាកំណើន​ប្រចាំឆ្នាំ មាន ១,៤ ភាគរយ នៅ​ឆ្នាំ​២០១៩​។ អត្រាកំណើន បាន​ធ្លាក់ចុះ​ពី ១,៥ ភាគរយ នៅ​ឆ្នាំ ២០០៨​។ ការបញ្ជាក់​នេះ បានធ្វើ​ឡើង នៅក្នុង​ពិធី​ប្រកាស​ផ្សព្វផ្សាយ របាយការណ៍​ជាតិ នៃ​លទ្ធផល​ចុងក្រោយ ជំរឿន​ទូទៅ​ប្រជាជន នៅ​ព្រះរាជាណាចក្រ​កម្ពុជា ឆ្នាំ ២០១៩ នៅ​សណ្ឋាគារ​សូ​ហ្វី​តែ​ល ភ្នំពេញ​ភូ​គី​ត្រា នៅ​ព្រឹក​ថ្ងៃ​២៦ ខែមករា ឆ្នាំ​២០២១​។​ ​សម្តេច​ក្រឡាហោម ស […]

ព័ត៌មានជាតិ ព័ត៌មានអន្តរជាតិ

ខួប២២ឆ្នាំនៃការបញ្ចប់សង្គ្រាមនៅកម្ពុជាក្រោមនយោបាយឈ្នះ-ឈ្នះ ២៩ធ្នូ ១៩៩៨-២៩ធ្នូ ២០២០

នៅថ្ងៃទី២៩ ខែធ្នូ ឆ្នាំ២០២០​ មានរយៈពេល២២ឆ្នាំហើយ ដែលកម្ពុជា រកបាននូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ ការបិទបញ្ចប់សង្គ្រាមហែកហួរ និងការបែកបាក់ជាតិនេះ បានកើតមានឡើងតាមរយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន។ នយោបាយឈ្នះ-ឈ្នះ គឺជាយុទ្ធសាស្ត្រគោលការណ៍ទាំងឡាយណា ដែលនឹងនាំមកនូវការធានាដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចិីរភាព។

ព័ត៌មានអន្តរជាតិ សន្តិសុខសង្គម

(ញូយ៉ក)៖ វាគ្មិនដែលបានចូលរួមក្នុងសម័យប្រជុំពិសេស នៃមហាសន្និបាតអង្គការសហប្រជាជាតិ (UNGA) បាននិយាយថា តម្លាភាពនៃការទទួលបានវ៉ាក់សាំង COVID-19 ថ្នាំពេទ្យ និងបរិក្ខាវេជ្ជសាស្ត្រនានា គួរតែត្រូវបានធានា និងយកចិត្តទុកដាក់ខ្ពស់ក្នុងការឆ្លើយតបជាសកល ប្រឆាំងនឹងជំងឺរាតត្បាត ដ៏កាចសាហាវមួយនេះ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ នៅព្រឹកថ្ងៃសុក្រ ទី០៤ ខែធ្នូ ឆ្នាំ២០២០។ នៅក្នុងសម័យប្រជុំពិសេស នៃមហាសន្និបាតអង្គការសហប្រជាជាតិ នៅថ្ងៃព្រហស្បតិ៍សប្ដាហ៍នេះ លោក មូនា អាក្រាំ (Munir Akram) ជាប្រធានក្រុមប្រឹក្សាសេដ្ឋកិច្ច និងសង្គមបានគូសបញ្ជាក់យ៉ាងដូច្នេះថា «យើងត្រូវតែធានាមុនគេឱ្យបានថា វ៉ាក់សាំង COVID-19 អាចនឹងចែកចាយទៅដល់ដៃប្រជាជនគ្រប់រូបមិនថាអ្នកមាន ឬអ្នកក្រ ប្រុស ឬស្រី ឬក៏នៅទីកន្លែងណានោះឡើយ ពោលគឺត្រូវបានទទួលបានវ៉ាក់សាំង ដោយឈរលើគោលការណ៍តម្លាភាព»។ គួរបញ្ជាក់ថា អង្គការសុខភាពពិភពលោក (WHO) រួមទាំងអង្គការជាដៃគូជាច្រើន បានដាក់ចេញនូវកម្មវិធីវ៉ាក់សាំងមួយឈ្មោះ កូវ៉ាក់ (COVAX) ដែលមានគោលដៅចែកចាយវ៉ាក់សាំង ទៅកាន់បណ្ដាប្រទេសនានាក្នុងពិភពលោក ដោយតម្លាភាព និងសមធម៌។ COVAX បច្ចុប្បន្នមានប្រទេសប្រមាណជាង ១០០បានចូលរួម ក្នុងនោះប្រទេសធំៗដូចជា ចិន អូស្ត្រាលី ជប៉ុន […]

ព័ត៌មានអន្តរជាតិ

ប្រទេសបារាំងធានាចាក់វ៉ាក់សាំងកូវីដ-១៩ ជូនប្រជាជន «ដោយមិនគិតថ្លៃ»

  (ប៉ារីស)៖ នាយករដ្ឋមន្ត្រីបារាំងលោក ហ្សង់ កាស្ទិច (Jean Castex) បានលើកឡើងនៅក្នុងសប្តាហ៍នេះថា ប្រទេសអឺរ៉ុបមួយនេះនឹងផ្តល់ការចាក់ វ៉ាក់សាំងប្រឆាំងវីរុសកូរ៉ូណា (COVID-19) ដល់ប្រជាជនរបស់ខ្លួនទាំងអស់ ដោយមិនគិតថ្លៃនោះឡើយ។ នេះបើតាមការចេញផ្សាយ ដោយសារព័ត៌មាន CNA នាព្រឹកថ្ងៃសុក្រ ទី០៤ ខែធ្នូ ឆ្នាំ២០២០។ លោក ហ្សង់ កាស្ទិច បានលើកឡើងថា ការចាក់វ៉ាក់សាំង COVID-19 ដោយមិនគិតថ្លៃខាងលើនេះគឺស្ថិតក្រោមកម្មវិធី នៃប្រព័ន្ធសន្តិសុខសង្គមរបស់បារាំង ដែលបានត្រៀមកញ្ចប់ថវិកាសរុប ១.៥ពាន់លានអឺរ៉ូ (១.៨២ពាន់លានដុល្លារអាមេរិក) ដើម្បីបញ្ជាទិញវ៉ាក់សាំងសម្រាប់ឆ្នាំ២០២១។ នៅក្នុងកិច្ចប្រជុំមួយកាលពីថ្ងៃព្រហស្បតិ៍ ជាមួយបណ្តារដ្ឋមន្ត្រីបារាំងផ្សេងៗទៀត លោកនាយករដ្ឋមន្ត្រីរូបនេះបានសង្កត់ធ្ងន់ថា ការចាក់វ៉ាក់សាំង COVID-19 នឹងមិនតម្រូវឲ្យគ្រប់គ្នាត្រូវតែចាក់វានោះឡើយ ប៉ុន្តែរដ្ឋាភិបាលបារាំងអំពាវនាវឲ្យគ្រប់គ្នាចាក់វា ឲ្យបានច្រើនតាមដែលអាចធ្វើទៅរួច។ គួរបញ្ជាក់ថា បារាំងបច្ចុប្បន្ននេះ គឺជាប្រទេសរងគ្រោះដោយការឆ្លង COVID-19 ធ្ងន់ធ្ងរបំផុតលេខ ៥លើលោក ដោយមានចំនួនករណីឆ្លងសរុបជាង ២,២៥៧,០០០នាក់ ក្នុងនោះស្លាប់ ៥៤,១៤០នាក់៕

ព័ត៌មានជាតិ ព័ត៌មានអន្តរជាតិ

ក្រសួងធនធានទឹក៖ ធាតុអាកាសនឹងចុះត្រជាក់ចាប់ពីថ្ងៃនេះដល់ថ្ងៃទី៧ខែធ្នូ, សូមប្រជាពលរដ្ឋ នគរបាល និងកងទ័ពឈរជើងនៅតំបន់ជួរភ្នំដងរែក និងខ្ពង់រាបភាគឦសាន ថែរក្សាសុខភាព

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹងឲ្យដឹងថា ជ្រលងសម្ពាធខ្ពស់ពីប្រទេសចិន នឹងរំកិលចុះមកក្រោមជាលំដាប់ ដោយនៅថ្ងៃទី៤ ខែធ្នូ នឹងរំកិលចុះមកដល់លើភាគកណ្តាលប្រទេសកម្ពុជា ជាមួយនឹងខ្យល់មូសុងឦសានបក់ខ្លាំង។ ស្ថានភាពបែបនេះ ធ្វើឲ្យធាតុអាកាសនឹងចុះត្រជាក់លើកទី១ ចាប់ពីថ្ងៃទី៤-៧ ខែធ្នូ៖ ១៖ បណ្តាខេត្តនៅតំបន់វាលទំនាបកណ្តាល៖ * សីតុណ្ហភាពអប្បបរមា មានពី១៩-២១អង្សាសេ * សីតុណ្ហភាពអតិបរមា មានពី ២៦-២៨អង្សាសេ ២៖ បណ្តាខេត្ត ជាប់ជួរភ្នំដងរែក និងខ្ពង់រាបឦសាន * សីតុណ្ហភាពអប្បបរមា មានពី ១៧-១៩អង្សាសេ * សីតុណ្ហភាពអតិបរមា មានពី ២៥-២៧អង្សាសេ ៣៖ តំបន់មាត់សមុទ្រ * សីតុណ្ហភាពអប្បបរមា មានពី២១-២៣អង្សាសេ * សីតុណ្ហភាពអតិបរមា មានពី ២៥-២៧អង្សាសេ ជាមួយគ្នានេះ ក្រសួងបានអំពាវនាវដល់ប្រជាពលរដ្ឋ ពិសេសនគរបាល និងកងទ័ព ដែលកំពុងឈរជើងនៅតំបន់ជួរភ្នំដងរែក និងខ្ពង់រាបភាគឦសាន សូមយកចិត្តទុកដាក់ ថែរក្សាសុខភាពចំពោះធាតុអាកាសត្រជាក់នេះ៕

ព័ត៌មានជាតិ ព័ត៌មានអន្តរជាតិ

ឯកឧត្តម ឧបនាយករដ្ឋមន្រ្តី ប្រាក់ សុខុន អនុញ្ញាតឱ្យឯកអគ្គរដ្ឋទូតសឹង្ហបុរី ចូលជួបសម្តែងការគួរសម និងជម្រាបលា

AKP ភ្នំពេពេញ ថ្ងៃទី០៣ ខែធ្នូ ឆ្នាំ២០២០–ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបទេស និងសហប្រតិបត្តិការអន្តរជាតិ អនុញ្ញាតឱ្យ ឯកឧត្តម មៃឃើល៍ តាន់ កេង ស្យុង (Michael Tan Keng Siong) ឯកអគ្គរដ្ឋទូតសឹង្ហបុរី ចូលជួបសម្តែងការគួរសម និងជម្រាបលា ក្នុងឱកាសដែលឯកឧត្តម ចប់អាណត្តិបេសកកម្មការទូតនៅកម្ពុជា នាថ្ងៃទី០២ ខែធ្នូ ឆ្នាំ២០២០ នៅទីស្តីការក្រសួងការបរទេស។ រូបថត៖ ក្រសួងការបរទេស  

ព័ត៌មានអន្តរជាតិ

ការតវ៉ាប្រឆាំងនឹងរដ្ឋាភិបាលនៅតែបន្តនៅទីក្រុងបាងកក ក្នុងការបោះឆ្នោតគាំទ្រការកែទម្រង់រដ្ឋធម្មនុញ្ញ

AKP ភ្នំពេញថ្ងៃទី ២៣ ខែវិច្ឆិកា ឆ្នាំ ២០២០​ – ប្រទេសថៃបានប្រឈមមុខនឹងការធ្វើបាតុកម្មតវ៉ារីករាលដាលចាប់តាំងពីការបោះឆ្នោតជាសកលឆ្នាំ ២០១៩ មក ដែលមានការប្រជែងគ្នាដោយក្រុមបាតុករបានអំពាវនាវឱ្យអតីតមេដឹកនាំយោធា លោកនាយករដ្ឋមន្រ្តី ប្រាយុធ ចានអូចា ឱ្យធ្វើការលាលែងពីតំណែង។ ក្នុងចំណោមការទាមទារផ្សេងៗទៀត ពួកគេសង្ឃឹមថានឹងឃើញមានការផ្លាស់ប្តូររដ្ឋធម្មនុញ្ញ ហើយរាជាធិបតេយ្យនឹងត្រូវបានធ្វើកំណែទម្រង់។ យោងតាមសារព័ត៌មាន Sputnik ដែលបានរាយការណ៍ពីទីក្រុងបាងកកបានឱ្យដឹងថា បាតុកម្មប្រឆាំងរដ្ឋាភិបាលនៅតែបន្តកើតមាននៅទីក្រុងបាងកកក្នុងរយៈពេលប៉ុន្មានថ្ងៃបន្ទាប់ពីសមាជិកសភាថៃបានបោះឆ្នោតលើជម្រើសសម្រាប់ការផ្លាស់ប្តូររដ្ឋធម្មនុញ្ញដែលភាគច្រើននៃពួកគេប្រឆាំងនឹងសំណើដែលទាមទារដោយក្រុមបាតុករ ដែលរួមមានការផ្លាស់ប្តូរតួនាទីរបស់រាជាធិបតេយ្យ។ ការបោះឆ្នោតកាលពីថ្ងៃពុធបានកើតឡើងចំពេលមានការតវ៉ារាប់ខែមកហើយ។ ក្រុមបាតុករកំពុងទាមទារឱ្យសរសេររដ្ឋធម្មនុញ្ញរបស់ប្រទេសនេះឡើងវិញ និងឱ្យលោកនាយករដ្ឋមន្រ្តី ប្រាយុធ ចានអូចា លាលែងពីតំណែង ក៏ដូចជាការកែទម្រង់រាជាធិបតេយ្យរបស់ព្រះមហាក្សត្រ Maha Vajiralongkorn ។ ការធ្វើបាតុកម្មបែបនេះត្រូវបានឆ្លើយតបជាមួយនឹងការប្រឆាំងតវ៉ាក្នុងការគាំទ្រដល់រាជាធិបតេយ្យ៕ (ប្រភព Sputnik បកប្រែដោយលោក យា ចិន្តាខន្តី)

ព័ត៌មានអន្តរជាតិ

ស្វែងយល់៖ តើអនាគតប្រធានាធិបតីអាមេរិកទី៤៦ លោក ចូ បៃដិន ជានរណា?

(វ៉ាស៊ីនតោន)៖ នៅទីបំផុត! លោក ចូ បៃដិន បានផ្ដួលលោក ដូណាល់ ត្រាំ នៅក្នុងការបោះឆ្នោតប្រធានាធិបតីអាមេរិកឆ្នាំ២០២០នេះ បានសម្រេចហើយ ដោយទទួល បានអង្គបោះឆ្នោត ឬអ្នកបោះឆ្នោតតំណាង២៩០ទល់នឹង២១៤ ហើយនេះមិនទាន់រាប់បញ្ចូលរដ្ឋ Georgia (មានអង្គបោះឆ្នោត១៦) ដែលមានលោក បៃដិន កំពុងនាំ មុខទេ។ បើលោក បៃដិន ឈ្នះ ក្នុងរដ្ឋនេះទៀត នោះលោកនឹងទទួលបានអង្គបោះឆ្នោត៣០៦ ឯណោះ។ ក៏ប៉ុន្តែ បើតាមប្រព័ន្ធបោះឆ្នោតអាមេរិក ការបោះឆ្នោតជ្រើសរើសប្រធានាធិបតីពិតប្រាកដ នឹងត្រូវនៅថ្ងៃទី១៤ ខែធ្នូ ឆ្នាំ២០២០ ដោយក្រុមអ្នកបោះឆ្នោតតំណាងទាំង ៥៣៨រូប នឹងត្រូវជួបជុំគ្នានៅតាមរដ្ឋធានី នៃរដ្ឋនីមួយៗរបស់ពួកគេ ដើម្បីទម្លាក់សន្លឹកឆ្នោតរបស់ពួកគេ។ ជាទូទៅអ្នកបោះឆ្នោតតំណាងទាំងនេះ ត្រូវបោះឆ្នោតឱ្យបេក្ខជន តំណាងគណបក្សរបស់ខ្លួន តែអ្នកបោះឆ្នោតតំណាងខ្លះ ដែលបោះឆ្នោតឱ្យបេក្ខជនបក្សដទៃវិញនោះ ក៏ធ្លាប់កើតមានផងដែរក្នុងប្រវត្តិសាស្ត្រអាមេរិក។ តើលោក បៃដិន អនាគតប្រធានាធិបតីអាមេរិកទី៤៦ ជានរណា? ខាងក្រោមនេះគឺជាការរៀបរាប់ពីប្រវត្តិត្រួសៗរបស់លោក៖ * ប្រវត្តិរូប លោក ចូ បៃដិន ឬមានឈ្មោះពេញថា Joseph Robinette […]

ព័ត៌មានអន្តរជាតិ

ឯកឧត្តម ហ៊ីវ សុវណ្ណ និងឯកឧត្តម ង៉ាន់ ភិរម្យ អញ្ជើញជាអធិបតីបិទកិច្ចប្រជុំស្តីពីការអនុវត្តកិច្ចលទ្ធកម្ម​៩ខែដើមឆ្នាំ២០២០ និងការណែនាំអំពីការរៀបចំ ផែនការលទ្ធកម្មប្រចាំឆ្នាំ២០២

AKP ភ្នំពេញ ថ្ងៃទី២៣ ខែតុលា ឆ្នាំ២០២០– ឯកឧត្តម ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងឯកឧត្តម ង៉ាន់ ភិរម្យ អគ្គនាយករង​ នៃអគ្គនាយកដ្ឋានលទ្ឋកម្មសាធារណៈតំណាង ឯកឧត្តម បណ្ឌិត ឈឹម សារ៉េត ប្រតិភូរាជរដ្ឋាភិបាលទទូលបន្ទុក ជាអគ្គនាយក នៃអគ្គនាយកដ្ឋានលទ្ឋកម្មសាធារណៈ អញ្ជើញជា អធិបតីក្នុងពិធីបិទកិច្ចប្រជុំស្តីការអនុវត្ត កិច្ចលទ្ធកម្ម៩ខែ ដើមឆ្នាំ២០២០ និងការណែនាំអំពីការរៀបចំ​ផែនការ​លទ្ធកម្មប្រចាំឆ្នាំ២០២១ ជួនក្រសួង-ស្ថាប័ន រដ្ឋបាលរាជធានី-ខេត្ត សហគ្រាសសាធារណៈ និងគ្រឹះស្ថានសាធារណៈរដ្ឋបាល និងអង្គភាពថវិកាក្រោមឱវាទ ក្រសួង នាព្រឹកថ្ងៃទី២៣ ខែតុលា ឆ្នាំ២០២០ នៅទីស្តីការក្រសួងសេដ្ឋកិច្ច និងហិរញ្ញវត្ថុ។ រូបថត៖ សួស សាវី

ព័ត៌មានអន្តរជាតិ

ព្រឹកនេះសម្តេច ហ៊ុន សែន អញ្ជើញចូលរួមកិច្ចប្រជុំកំពូលមេគង្គ-ឡានឆាងលើកទី៣ តាមប្រព័ន្ធវីដេអូ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃចន្ទ ទី២៤ ខែសីហា ឆ្នាំ២០២០នេះ អញ្ជើញចូលរួមកិច្ចប្រជុំកំពូលមេគង្គ-ឡានឆាងលើកទី៣ ដែលប្រព្រឹត្តទៅតាមប្រព័ន្ធវីដេអូ។ កិច្ចប្រជុំកំពូលមេគង្គ-ឡានឆាងលើកទី៣ នៅឆ្នាំ២០២០នេះ ប្រទេសឡាវធ្វើជាម្ចាស់ផ្ទះរៀបចំនូវកិច្ចប្រជុំ។ លោក ថងលូន ស៊ីស៊ូលីត នាយករដ្ឋមន្ត្រីឡាវ និងលោក លី ខឺឈាង នាយករដ្ឋមន្ត្រីចិន ធ្វើជាសហប្រធាននៃកិច្ចប្រជុំ។ កិច្ចប្រជុំនៅថ្ងៃនេះ រៀបចំឡើងក្រោមមូលបទ «ពង្រឹងភាពជាដៃគូ ដើម្បីវិបុលភាពរួម»។ ថ្នាក់ដឹកនាំទាំងអស់ នឹងពិនិត្យឡើងវិញនូវវឌ្ឍនភាព ដែលសម្រេចបានស្របតាមទិសដៅនៃសេចក្ដីថ្លែងការណ៍សាន់យ៉ាឆ្នាំ២០១៦, សេចក្ដីថ្លែងការណ៍ទីក្រុងភ្នំពេញឆ្នាំ២០១៨ និងផែនការសកម្មភាពសម្រាប់រយៈពេល៥ឆ្នាំ ស្តីពីកិច្ចសហប្រតិបត្តិការមេគង្គ-ឡានឆាង (២០១៨-២០២២) កំណត់ទិសដៅអនាគតសម្រាប់ ការពង្រីកវិស័យនៃកិច្ចសហប្រតិបត្តិការ និងជំរុញបន្ថែមនូវទំនុកចិត្តទៅវិញទៅមក ក៏ដូចជាពង្រឹងភាពជាដៃគូ ក្នុងចំណោមបណ្តាប្រទេសមេគង្គ-ឡានឆាង។ យោងតាមក្រសួងការបរទេសកម្ពុជា ក្នុងកិច្ចប្រជុំនេះថ្នាក់ដឹកនាំប្រទេសសមាជិកមេគង្គ-ឡានឆាង នឹងផ្តោតការយកចិត្តទុកដាក់ផងដែរ លើកិច្ចខិតខំប្រឹងប្រែងរួម របស់បណ្តាប្រទេសមេគង្គ-ឡានឆាង ក្នុងការដោះស្រាយជំងឺរាតត្បាតជាសកលកូវីដ-១៩ និងការលើកកម្ពស់ការស្តារសេដ្ឋកិច្ច-សង្គមក្រោយជំងឺកូវីដ-១៩។ ក្រសួងការបរទេសបានគូសបញ្ជាក់ថា កិច្ចប្រជុំកំពូលមេគង្គ-ឡានឆាងលើកទី៣នេះ នឹងគូសបញ្ជាក់អំពីសារៈសំខាន់ នៃសន្តិភាពប្រកបដោយនិរន្តភាព និងការអភិវឌ្ឍប្រកបដោយចីរភាពយូរអង្វែងនៅតំបន់មេគង្គ-ឡានឆាង ក៏ដូចជាការលើកកម្ពស់សន្តិសហវិជ្ជមាន ក្នុងចំណោមបណ្តាប្រទេសមេគង្គ-ឡានឆាង៕