ព័ត៌មានជាតិ សន្តិសុខសង្គម

អាជ្ញាធរ​ខេត្តកណ្តាល បិទ​កាស៊ីណូ យង់​យ័ន នៅ​ជ្រៃ​ធំ​

កណ្តាលៈ នៅ​ព្រឹក​ថ្ងៃទី​៥ ខែមីនា ឆ្នាំ​២០២១ នេះ លោក គង់ សោ​ភ័​ណ្ឌ អភិបាលខេត្ត​កណ្តាល បាន​ដឹកនាំ​អាជ្ញាធរ​មូលដ្ឋាន និង​សមត្ថកិច្ច ចុះ​បិទ​ទីតាំង​កាស៊ីណូ យង់​យ័ន នៅ​ជ្រៃ​ធំ ស្រុក​កោះធំ ខេត្តកណ្ដាល បន្ទាប់ពី​ក្រសួងសុខាភិបាល ប្រកាសជូន ព័ត៌មាន បញ្ជាក់​ឲ្យ​ដឹងថា មាន​ជនជាតិ​ចិន​ម្នាក់ ជា​ភ្ញៀវ​មកលេង ក្នុង​កាស៊ីណូ​នេះ មាន​វិជ្ជមាន​កូ​វីដ​-១៩​។​ ​លោក​អភិបាលខេត្ត និង​លោក​ឧ​ត្ត​ម​សេនីយ៍​ទោ ឈឿន សុចិ​ត្ត ស្នងការ​នគរបាល ខេត្តកណ្តាល មិន​អនុញ្ញាត​ឲ្យ​បុគ្គលិក និង​ភ្ញៀវ ដែល​នៅក្នុង​កាស៊ីណូ​នេះ ចេញ​ក្រៅ ដោយ​គ្មាន​ការអនុញ្ញាត នោះឡើយ ដើម្បីឱ្យ​ខាង​សុខាភិបាល មក​ពិនិត្យ​យក​សំណាក ។​ ​សូមបញ្ជាក់ថា នៅ​ព្រឹក​ថ្ងៃទី​៥ ខែមីនា ឆ្នាំនេះ ក្រសួងសុខាភិបាល បាន​ប្រកាសជូន​ព័ត៌មាន បញ្ជាក់​ឲ្យ​ដឹងថា មាន​ករណី​វិជ្ជមាន​វីរុស​កូ​វីដ​-១៩ ថ្មី​ចំនួន ២៣ នាក់ និង​មាន​អ្នកជា សះស្បើយ ចំនួន ៥​នាក់​៕   

ព័ត៌មានជាតិ សន្តិសុខសង្គម

កងយោធពល​ខេមរភូមិន្ទ ជាច្រើន​អង្គភាព ដែល​ឈរជើង នៅក្នុង​ខេត្តកំពង់ឆ្នាំង បានទទួល​ការចាក់​វ៉ាក់សាំង​បង្ការ​ជំងឺ​កូ​វីដ​-១៩

កំពង់ឆ្នាំងៈ កងយោធពល​ខេមរភូមិន្ទ ជាច្រើន​អង្គភាព ដែល​ឈរជើង នៅក្នុង​ខេត្តកំពង់ឆ្នាំង បានទទួល​ការចាក់​វ៉ាក់សាំង បង្ការ​ជំងឺ​កូ​វីដ​-១៩ នៅ​ថ្ងៃទី​៥ ខែមីនា ឆ្នាំ​២០២១ នេះ នៅក្នុង​ទីបញ្ជាការដ្ឋាន តំបន់​ប្រតិបត្តិការ​សឹក​រង​កំពង់ឆ្នាំង​។​ ​លោក​ឧ​ត្ត​ម​សេនីយ៍​ទោ ប៉ូ វណ្ណៈ មេបញ្ជាការរង និង​ជា​នាយសេនាធិការ យោធភូមិភាគ ពិសេស បានអោយដឹងថាៈ វ៉ាក់សាំង​បង្ការ​ជំងឺ​កូ​វីដ​-១៩ ចំនួន ៩០០ ដូ​ស ត្រូវបាន​នាំ យកមក​ចាក់​ជូន កងយោធពល​ខេមរភូមិន្ទ នៃ​បណ្ដា​អង្គភាព ដែល​កំពុង​ឈរជើង នៅក្នុង​ខេត្តកំពង់ឆ្នាំង មាន​សាលា​ពលទាហាន យោធភូមិភាគ ពិសេស , កង​កាំភ្លើង ធំ​ក្រាំ​តា​មុំ និង​កងកាំភ្លើងធំ ភូមិភាគ​ពិសេស , តំបន់​អភិវឌ្ឍន៍ , កង​ទ​ព័​អាកាស , អង្គភាព​ស៊ីម៉ាក់ , តំបន់​ប្រតិបត្តិការ​សឹក​រង​កំពង់ឆ្នាំង និង​កងរាជអាវុធហត្ថ ខេត្តកំពង់ឆ្នាំង​។​ ​លោក​ឧ​ត្ត​ម​សេនីយ៍​ទោ ប៉ូ វណ្ណៈ បានបញ្ជាក់​ថាៈ ការចាក់​វ៉ាក់សាំង បង្ការ​ជំងឺ​កូ​វីដ​-១៩ ដល់​កងយោធពល​ខេមរភូមិន្ទ […]

ព័ត៌មានជាតិ សន្តិសុខសង្គម

សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត អញ្ជើញចាក់វ៉ាក់សាំងបង្ការជំងឺកូវីដ-១៩ នៅមន្ទីរពេទ្យកាល់ម៉ែត

ភ្នំពេញ :ថ្ងៃទី០៤ ខែមីនា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង   សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញចាក់វ៉ាក់សាំងបង្ការជំងឺកូវីដ-១៩ ប្រភេទ អាស្ត្រាហ្សេនីកា(AstraZeneca) ដែលជាជំនួយឥតសំណងរបស់មជ្ឈមណ្ឌលកូវ៉ាក់ (COVAX Facility) នាព្រឹកថ្ងៃព្រហស្បតិ៍ ៦រោច ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៤ ខែមីនា ឆ្នាំ២០២១ នៅមន្ទីរពេទ្យកាល់ម៉ែត្រ។ ចំពោះវ៉ាក់សាំង AstraZeneca ដែលសម្តេចតេជោ ហ៊ុន សែន និងសម្តេចកិត្តិព្រឹទ្ធ​បណ្ឌិត ព្រមទាំងមន្ត្រីជាន់ខ្ពស់កម្ពុជាបានចាក់នោះ  ត្រូវបានដឹកមកដល់កម្ពុជាក្នុងជំហានទី១ មានចំនួន ៣២៤ ០០០ដូស គឺជាចំនួនដូសមកដល់ដំបូង ក្នុងចំណោមវ៉ាក់សាំងសរុប ១ ១០០ ០០០ដូស ដែលមជ្ឈមណ្ឌលវ៉ាក់សាំង (COVAX Facility) នឹងផ្ដល់ជូនប្រទេសកម្ពុជា នា​ដំណាក់កាលនៅត្រឹមបំណាច់ខែឧសភា ឆ្នាំ២០២១។ ប្រទេសកម្ពុជាត្រូវបានរំពឹងទុកថា នឹង​ត្រូវបានទទួលវ៉ាក់សាំង២០ភាគរយ នៃប្រជាជនសរុប […]

ព័ត៌មានជាតិ សន្តិសុខសង្គម

ព្រឹកនេះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញចាក់វ៉ាក់សាំងកូវីដ១៩ នៅមន្ទីរពេទ្យកាល់ម៉ែត

(ភ្នំពេញ)៖ នៅព្រឹកថ្ងៃទី០៤ ខែមីនា ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នឹងអញ្ជើញចាក់វ៉ាក់សាំងប្រឆាំងជំងឺកូវីដ១៩ របស់ក្រុមហ៊ុនអាស្ត្រាហ្សេនីកា(astrazeneca) នៅមន្ទីរពេទ្យកាល់ម៉ែត។ គួរបញ្ជាក់ផងដែរថា ក្រៅតែពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតហើយនោះ មន្ត្រីជាន់ខ្ពស់របស់រាជរដ្ឋាភិបាលកម្ពុជាជាច្រើនរូបទៀត ក៏នឹងត្រូវចាក់វ៉ាក់សាំងកូវីដ១៩ របស់ក្រុមហ៊ុនអាស្ត្រាហ្សេនីកា នៅថ្ងៃនេះផងដែរ។ បន្ទាប់ពីការចាក់វ៉ាក់សាំងសម្តេចតេជោ ក៏នឹងធ្វើសន្និសីទព័ត៌មានពាក់ព័ន្ធវ៉ាក់សាំង និងការប្រយុទ្ធប្រឆាំងជំងឺកូវីដ១៩នៅកម្ពុជា។ សូមបញ្ជាក់ផថដែរថា វ៉ាក់សាំង AstraZeneca/SII គឺជាវ៉ាក់សាំងជំនួយរបស់មជ្ឈមណ្ឌលកូវ៉ាក់ (COVAX Facility)។ វ៉ាក់សាំងនេះត្រូវបានដឹកមកដល់កម្ពុជាក្នុងដំណាក់កាលដំបូងចំនួន ៣២៤,០០០ដូស កាលពីថ្ងៃទី០២ ខែមីនា ឆ្នាំ២០២១៕ សម្រួលផ្សាយ៖ anhotnews, ប្រភព៖ Press OCM

ព័ត៌មានជាតិ សន្តិសុខសង្គម

ឯកឧត្តមសាស្រ្តាចារ្យ ម៉ម ប៊ុនហេង អញ្ជើញទទួលវ៉ាក់សាំង AstraZeneca ចំនួន ៣២៤ ០០០ ដូស នៅព្រលានយន្តហោះអន្តរជាតិភ្នំពេញ

ភ្នំពេញ : ថ្ងៃទី០២ ខែមីនា ឆ្នាំ២០២១—ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល តំណាងឱ្យរាជរដ្ឋាភិបាលកម្ពុជា អញ្ជើញ ទទួលវ៉ាក់សាំង AstraZeneca ជំហានទី១ ចំនួន ៣២៤ ០០០ ដូស ដែលជាជំនួយរបស់អង្គការសុខភាព ពិភពលោក តាមរយៈមជ្ឈមណ្ឌលកូវ៉ាក់ (COVAX) ដែលមកដល់ព្រលានយន្តហោះអន្តរជាតិភ្នំពេញ នាយប់ ថ្ងៃទី០២ ខែមីនា ឆ្នាំ២០២១ ដោយមានការអញ្ជើញចូលរួមពីលោកស្រីវេជ្ជបណ្ឌិត លី អាយលែន (Li Ailan) តំណាងអង្គការសុខភាពពិភពលោក ប្រចាំកម្ពុជា លោកស្រី ហ្វូរុក ហ្វូយូហ្សាត (Foroogh Foyouzat) តំណាងអង្គការយូនីសេហ្វ ប្រចាំកម្ពុជា និងលោកជំទាវ ខាមិន ម៉ូរេណូ (Carmen Moreno) ឯកអគ្គរដ្ឋទូតសហគមន៍អឺរ៉ុប ប្រចាំកម្ពុជា។

ព័ត៌មានជាតិ សន្តិសុខសង្គម

មន្ដ្រីរាជការ និងសមត្ថកិច្ចប៉ូលិសនៅក្នងខេត្តសៀមរាប បានចាក់វ៉ាក់សាំងកូវីដ-១៩ លើកទី១ មានចំនួនជិត ១ពាន់នាក់ !

សៀមរាប៖ មន្ដ្រីរាជការស៊ីវិល និងកងកម្លាំងប៉ូលិស នៅខេត្ដសៀមរាប បានចាក់វ៉ាក់សាំងការពារជំងឺកូវីដ-១៩ លើកទី១ ក្នុងរយ:ពេលពីរថ្ងៃ មានចំនួនជិត ១ពាន់នាក់ នេះបើតាមការអោយដឹងពីមន្ដ្រីជំនាញសុខាភិបាល កាលពីល្ងាចថ្ងៃទី០២ ខែមីនា ឆ្នាំ២០២១នេះ។ យោងតាមរបាយការណ៍ របស់មន្ទីរសុខាភិបាលខេត្ដសៀមរាប បានបង្ហាញថា ក្នុងរយ:ពេលពីរថ្ងៃ ចាប់ពីថ្ងៃទី០១ និងថ្ងៃទី០២ ខែមីនាឆ្នាំ២០២១នេះ មន្ដ្រីរាជការស៊ីវិល និងកងកម្លាំងប៉ូលិស បានមកចាក់វ៉ាក់សាំងការពារជំងឺកូវីដ-១៩ មានចំនួន៩៥៧នាក់ ក្នុងនោះស្រីចំនួន២៨៦នាក់ ក្នុងចំណោមដែលបានចុះឈ្មោះចំនួនសរុប១,០៦០នាក់ រយ:ពេល២ថ្ងៃនេះ។ របាយការណ៍ដដែល បានបន្ដថា ចំនួនអ្នកមិនបានចាក់វ៉ាក់សាំងមានចំនួន ១០១នាក់ មូលហេតុ ដោយសារបញ្ហាសុខភាពមិនប្រក្រតី ដូចជាសម្ពាធឈាមលើស អាឡែកស៊ី ស្រី្ដមានផ្ទៃពោះ ស្រ្តីបំបៅដោះកូន សសៃប្រសាទជាដើម ជាពិសេសមានជំងឺរាំរៃ។ សូមជម្រាបថា ទីតាំងដែលផ្ដល់វ៉ាក់សាំងនេះ ធ្វើឡើងនៅទីតាំងចំនួន៥កន្លែង រួមមាន នៅមន្ទីរពេទ្យបង្អែកខេត្ដសៀមរាប មានចំនួនអ្នកចាក់វ៉ាក់សាំង ៣៩០នាក់, មន្ទីរពេទ្យបង្អែកស្រុកក្រឡាញ់ចំនួន ១៧២នាក់, មន្ទីរពេទ្យបង្អែកស្រុកពួកចំនួន ១១៧នាក់ មន្ទីរពេទ្យបង្អែកអង្គរជុំចំនួន ១៦៤នាក់ និងមន្ទីរពេទ្យបង្អែកស្រុកសូទ្រនិគមចំនួន ១១៤នាក់។ បើតាមការអោយដឹងពីមន្ដ្រីជំនាញសុខាភិបាលដដែលបន្តថា […]

ព័ត៌មានជាតិ សន្តិសុខសង្គម

នាយឧត្តមសេនីយ៍ សៅ សុខា បានចាក់វ៉ាក់សាំងការពារជំងឺកូវីដ១៩ លើកទី២

(ភ្នំពេញ)៖ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស នៅព្រឹកថ្ងៃទី២ ខែមីនា ឆ្នាំ២០២១នេះ បានអញ្ជើញទទួលការចាក់វ៉ាក់សាំង ការពារជំងឺកូវីដ១៩ ប្រភេទស៉ីណូហ្វាមរបស់ចិន លើកទី២ ដែលជាចំនួនដូសចុងក្រោយ នៅទីបញ្ជាការដ្ឋានអាវុធហត្ថលើផ្ទៃប្រទេស។ គួរជម្រាបថា នាយឧត្តមសេនីយ៍ សៅ សុខា ព្រមទាំងថ្នាក់ដឹកនាំក្រសួងការពារជាតិ និងថ្នាក់ដឹកនាំអគ្គមេបញ្ជាការ នៃកងយោធពលខេមរភូមិន្ទ បានចាក់វ៉ាក់សាំងការពារជំងឺកូវីដ-១៩ កាលពីថ្ងៃទី១០ ខែកុម្ភៈ ឆ្នាំ២០២១។ កម្លាំងអាវុហត្ថ បានទទួលការចាក់វ៉ាក់សាំងការពារជំងឺកូវីដ១៩ តាំងពីថ្ងៃទី១៩ ខែកុម្ភៈ ឆ្នាំ២០២១ នៅទីបញ្ជាការដ្ឋានអាវុហត្ថលើផ្ទៃប្រទេស។ សូមបញ្ជាក់ថា កាលពីថ្ងៃ១០ ខែកុម្ភៈ ឆ្នាំ២០២១ ថ្នាក់ដឹកនាំមួយចំនួនរបស់កម្ពុជា កងទ័ព និងអ្នកសារព័ត៌មាន ដែលមានអាយុចន្លោះពី១៨ ទៅ៥៩ឆ្នាំ បានចាប់ផ្តើមចាក់វ៉ាក់សាំងបង្ការជំងឺកូវីដ១៩ ដែលជាជំនួយរបស់រដ្ឋាភិបាលចិន។ ការទទួលវ៉ាក់សាំងកូវីដ១៩ ឈ្មោះស៉ីណូហ្វាម ធ្វើឡើងតាមគោលការណ៍ស្ម័គ្រចិត្ត នៅទីតាំងចំនួន៥ ដែលមានអាយុចន្លោះពី១៨ ទៅ៥៩ឆ្នាំ៖ ១៖ មន្ទីរពេទ្យកាល់ម៉ែត សម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ ២៖ […]

ព័ត៌មានជាតិ

អភិបាលរងខេត្ដកំពង់ស្ពឺលើកឡើងថា ជនពិការ គឺជាកោសិកាអភិវឌ្ឍន៍សង្គមមិនអាចខ្វះបាន ដែលគ្រប់ភាគីពាក់ព័ន្ធត្រូវចូលរួមបង្កលក្ខណៈងាយស្រួលដល់ជនពិការ

កំពង់ស្ពឺ ៖​ថ្ងៃទី០២ ខែមីនា ឆ្នាំ២០២១ លោកជំទាវ ឡុង បូណារេត អភិបាលរងខេត្តកំពុងស្ពឺបានលើកឡើងថា ជនពិការ គឺជាកោសិកាអភិវឌ្ឍន៍សង្គមមិនអាចខ្វះបាន ដែលគ្រប់ភាគីពាក់ព័ន្ធទាំងអស់ ត្រូវចូលរួមលើកកម្ពស់ និងបង្កលក្ខណៈងាយស្រួលដល់ជនពិការ។ ការលើកឡើងរបស់លោកជំទាវនេះ ក្នុងពិធីបើកវគ្គបណ្ដុះបណ្ដាល ស្ដីពីហេដ្ឋារចនាសម្ព័ន្ធរូបវ័ន្តបង្កលក្ខណៈងាយស្រួលដល់ជនពិការ កុមារ និងស្ត្រី កាលពីព្រឹកថ្ងៃទី ០២ ដល់ថ្ងៃទី០៣ ខែមីនា ឆ្នាំ ២០២១។ លោកជំទាវ ឡុង បូណារេត បានមានប្រសាសន៍ថា តាមរយៈសិក្ខាសាលានេះ សិក្ខាកាមទាំងអស់ នឹងយកចំណេះដឹងដែលទទួលបានទៅធ្វើផ្សព្វផ្សាយបន្តនៅតាមអង្គភាពរៀងៗខ្លួន ដើម្បីធ្វើយ៉ាងណាសំដៅលើកកម្ពស់ និងការបង្កលក្ខណៈងាយស្រួលស្របតាមគោលការណ៍ជាសកលសម្រាប់ការចេញ-ចូល ការផ្លាស់ទី និងការប្រើប្រាស់ទស្សនទាន នៃការរចនាជាសកល និងការសម្របសម្រួលសមស្រប ក្នុងសមភាព និងសមធម៌ សម្រាប់ជនពិការ។ ឯកឧត្តម អ៊ុង សម្បត្តិ អគ្គលេខាធិការរងក្រុមប្រឹក្សាសកម្មភាពជនពិការបានបញ្ជាក់ថា ដើម្បីឆ្លើយតបនូវកង្វល់ទាំងអស់នេះបាន លុះត្រាតែមានការចូលរួមពីគ្រប់មជ្ឈដ្ឋាន ទាំង ស្ថាប័នជាតិ អន្តរជាតិ អង្គការសង្គមស៊ីវិល វិស័យឯកជន និងក្រុមគ្រួសារឱ្យបានផុសផុលនៅក្នុងការគាំទ្រនឹងបង្ករលក្ខណៈដល់បងប្អូនជាជនមានពិការភាពឱ្យមានឱកាសចូលរួម និងបញ្ចេញនូវសមត្ថភាពរបស់បងប្អូនដែលជាជនមានពិការភាព។ ឯកឧត្តមបានថ្លែងអំណរគុណចំពោះថ្នាក់ដឹកនាំខេត្ត និងអង្គភាពពាក់ព័ន្ធដែលបានខិតខំធ្វើការងារយ៉ាងយកចិត្តទុកដាក់ទៅលើជនពិការ […]

ព័ត៌មានជាតិ

សម្ដេចតេជោ ហ៊ុន សែន អញ្ជើញថ្វាយព្រះរាជដំណើររបស់ព្រះមហាក្សត្រ និងសម្តេចម៉ែយាងទៅទីក្រុងប៉េកាំង ប្រទេសចិន

(ភ្នំពេញ)៖  នៅព្រឹកថ្ងៃចន្ទ ៣រោច ខែផល្គុន ឆ្នាំជូត ទោសស័ក ព.ស ២៥៦៤ ត្រូវនឹងថ្ងៃទី០១ ខែមីនា ឆ្នាំ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញថ្វាយព្រះរាជដំណើរព្រះករុណា ព្រះបាទ​សម្តេច​ ព្រះបរមនាថ នរោត្តម សីហមុនី ព្រះមហាក្សត្រ​ នៃ​ព្រះរាជាណាចក្រ​កម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ យាងទៅទីក្រុងប៉េកាំងប្រទេសចិន ដើម្បីពិនិត្យព្រះរាជសុខភាព។ សម្តេចតេជោ សូមក្រាបថ្វាយព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ៕

ព័ត៌មានជាតិ សន្តិសុខសង្គម

សម្តេចតេជោ ហ៊ុន សែន គ្រោងនឹងអញ្ជើញចាក់វ៉ាក់សាំង AstraZeneca នៅថ្ងៃទី០៤ មីនា ឆ្នាំ២០២១

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសថា សម្តេចគ្រោងនឹងអញ្ជើញទៅចាក់វ៉ាក់សាំងកូវីដ១៩ របស់ AstraZeneca នៅថ្ងៃទី០៤ ខែមីនា ឆ្នាំ២០២១ នាមន្ទីរពេទ្យកាល់ម៉ែត្រ ខណៈកម្ពុជានឹងទទួលបានវ៉ាក់សាំងកូវីដ១៩ របស់ក្រុមហ៊ុន AstraZeneca ពីអង្គការសុខភាពពិភពលោក នៅថ្ងៃទី០២ ខែមីនា ឆ្នាំ២០២១ខាងមុខនេះ។ សម្តេចតេជោ ហ៊ុន សែន ប្រកាសតាមបណ្តាញសង្គម Facebook ផ្លូវការរបស់សម្តេចយ៉ាងដូច្នេះថា៖ «បងប្អូនជនរួមជាតិជាទីគោពស្រឡាញ់! ដូចដែលក្រសួងសុខាភិបាលបានប្រកាសជូនដំណឹងរួចមកហើយថា កម្ពុជានឹងទទួលបានវ៉ាក់សាំងឈ្មោះ អាស្រ្តាហ្សេនីកា(AstraZeneca)ដែលផលិតនៅឥណ្ឌាចំនួន ៣២៤,០០០ដូស ក្នុងចំណោម១,១០៤,០០០ដូស ដែលកម្ពុជាត្រូវបានទទួលក្នុងឆមាសទី១ ឆ្នាំ២០២១ ដែលជាជំនួយបឋមផ្តល់ដោយមជ្ឈមណ្ឌលកូវ៉ាក់ (COVAX Facility)។ ប្រសិនបើពុំមានការប្រែប្រួលទេ វ៉ាក់សាំងនេះនឹងមកដល់កម្ពុជានៅម៉ោង១៩:៥០ល្ងាច ថ្ងៃទី២ មីនា២០២១។ ឯកឧត្តម ម៉ម ប៊ុនហេង នឹងតំណាងអោយរាជរដ្ឋាភិបាលកម្ពុជា ទទួលយកវ៉ាក់សាំងនេះពីតំណាងអង្គការសុខភាពពិភពលោក និងតំណាងអង្គការយូនីសេហ្វប្រចាំកម្ពុជានៅយប់ថ្ងៃទី២ មីនា២០២១ នៅព្រលានយន្តហោះអន្តរជាតិភ្នំពេញ។ នេះជាផ្លែផ្កានៃកិច្ចសហការអន្តរជាតិដែលកម្ពុជាបានធ្វើជាមួយដៃគូពហុភាគីជាមួយអង្គការសហប្រជាជាតិ ជាពិសេសជាមួយអង្គការសុខភាពពិភពលោក និងអង្គការយូនីសេហ្វ។ តាមគំរោងកូវ៉ាក់នឹងផ្តល់អោយយើងចំនួន ២០ភាគរយ នៃចំនួនប្រជាជន១៦លាននាក់ ដែលស្មើនឹង៣លាន២សែននាក់ […]